«Барселона» ярим ҳимоячиси Андрес Иньеста Испания чемпионати доирасидаги «Аткетико»га қарши ўйин ҳақида фикр билдирди.

«Ўйин тенг бўлди. Гол уриш учун 100 фоизлик имкониятлар ҳар икки жамоада ҳам бўлмади. Лекин охир оқибат биз ўйинни ўз томонимизга ўзгартира олдик ва уч очкони қўлга киритдик.

Энг муҳими —Испания чемпионатида ғалаба қозондик. Барча бундан хурсанд ва энди бу ғалабани мухлисларимиз ва оиламиз билан нишонлаймиз.

Биз премьерода очко жамғариш учун жон бериб ҳаракат қилмаймиз. Шунчаки ҳар ўйинда ғалаба қозониш учун майдонга тушамиз. Шундай экан, бизнинг бундай мақсадимиз йўқ. Биз чемпион бўлишни хоҳлаган эдик»,- дейди футболчи.