Саудия Арабистони клублари Мадриднинг “Реал” клуби ҳужумчиси Винисиус Жуниорни ўз сафига қўшишга қизиқишда.

Бу ҳақда Испаниянинг Sport нашрига таяниб, Transfer News Live нашри хабар бермоқда.

Қайд этилишича, саудияликлар “Олтин тўп” билан боғлиқ вазиятдан сўнг Винисиус Европа футболидан чарчаганига умид қилишмоқда.

Маълумки, Винисиус совринни қўлга киритиш учун фаворит ҳисобланган, бироқ овоз беришда Родри ғалаба қозонган.

Эслатиб ўтамиз, аввалроқ Винисиус Жуниор Саудия Арабистонига ўтиши ҳақида миш-мишлар тарқалган эди.

Матбуот саудияликлар бразилиялик форвард учун ақл бовар қилмайдиган 1 миллиард евро тўлашга тайёрлиги ҳақида ёзган.