"Барселона"нинг собиқ бош мураббийи Хави Эрнандес жорий мавсумда яна ишга қайтиши мумкин.
Испаниялик мутахассис шу йилнинг май ойида "блауграна" бошқарувини тарк этганди. Яқинда ОАВ Хавини "Манчестер Юнайтед"да ишдан бўшатилган Эрик тен Хагнинг потентциал вориси деб атаганди, аммо "қизил иблислар" раҳбариятининг якуний танлови "Спортинг"дан Рубен Аморимга тўғри келди. Football Espana хабарига кўра, эндиликда 44 ёшли мураббийга "Милан" даъвогарлик қилмоқда. "Россонерилар" агар Паулу Фонсека истеъфога чиқса, афсонавий собиқ ярим ҳимоячига мурожаат қилиши мумкин.
Бироқ, Хавининг "Милан"га тайинланиш эҳтимоли паст - Эрнандес "Барселона" билан хайрлашганидан кейин бир йил дам олишни режалаштирганди.
