Факундо Буонанотте ўзини Лионель Месси билан солиштиришлари ҳақида гапирди.
"Йўқ, бу мумкин эмас, бу хато. У болалигимда менинг кумирим, мутлақ қаҳрамоним эди. Мен эндигина 19 ёшдаман ва ўша пайтда у "Реал"га қарши "Барселона" сафида кўп "класико"да ўйнаган эди.
Буни Тевес айтгани ажойиб. Балки у асосан менинг тезлигимни назарда тутгандир. Бу интернетга тарқалди, лекин тўғридан-тўғри таққослаш Мессига нисбатан ҳурматсизлик бўларди.
37 ёшда ҳам у дунёнинг энг яхши футболчиси ҳисобланади. У узоқ вақт шундай ўйнайди", - деди «Лестер» ва Аргентина терма жамоаси ярим ҳимоячиси.
