«ПСЖ» дарвозабони Жанлуижи Доннарумма Италия терма жамоасининг Европа чемпионатида муваффақиятсизликка учрагани сабабини тушунтириб берди.
Лучано Спалетти жамоаси турнирга амалдаги ғолиб сифатида йўл олди, бироқ 1/8 финал босқичида Швейцарияга имкониятни бой бериб, турнирни тарк этди.
Турнир ғолиби Испания терма жамоаси бўлди.
"Менимча, бизда аввалги Евродагидек ижобий энергия етишмади. Бу жуда хафа қиладиган онлар эди, чунки бизда сифатли жамоа бор - биз, албатта, яхшироқ иш қила олардик.
Энди тўғри йўлга қайтганимиз муҳим. Бошимизни тик тутишимиз керак, қаттиқ ишлашда давом этишимиз ва мураббийнинг кўрсатмаларига амал қилишимиз керак.
Ўйлайманки, биз муваффақиятга эришамиз", - дея Доннарумма сўзларини келтиради Футбол Италиа
