Англиялик собиқ футболчи Гари Невилл "Реал" вакилларининг хатти-ҳаракатларини танқид қилди.

"Қироллик клуби" номинацияда Родрининг ғалабасидан хабар топган заҳотиёқ "Олтин тўп"ни топшириш маросимини бойкот қилишга қарор қилди.

Овоз беришда испаниялик аввалига фаворит ҳисобланган “Лос-Бланкос” ҳужумчиси Винисиус Жуниорни ортда қолдирди.

"Уларнинг қилган иши, Родрига кўрсатган ҳурматсизликлари... Бу мутлақо ғалати. Улар Родрининг шон-шуҳратини олиб ташлашга, диққатини чалғитишга ҳаракат қилишди. Родрини бутун дунё ҳурмат қилади, у яхши инсон.

У “Олтин тўп”ни қўлга киритганидан хурсандман. У доимий равишда энг юқори савияни кўрсатди, "Манчестер Сити"га ёрдам берди, Испания терма жамоаси билан Еврода ғалаба қозонди, гарчи улар турнир фаворитлари қаторига кирмаган бўлсалар ҳам.

Родри шунчаки ақл бовар қилмас ишларни бажарди", - дея Невилдан иқтибос келтиради City Xtra.