"Манчестер Юнайтед" бош мураббийи вазифасини бажарувчи Руд ван Нистелрой "Челси"га қарши ўйин олди фикрлари билан ўртоқлашди.
"Бу катта ўйин бўлади. Ҳозир "Челси" жуда яхши ўйнамоқда, уларда ўйин натижасини ҳал қила оладиган кўплаб ажойиб ўйинчилар бор. Натижага эришиш учун энг яхши ўйинимизни кўрсатишимиз керак, айнан шуни хоҳлаймиз. Албатта, биз бундай рақибни ҳурмат қиламиз, шунинг учун ғалаба қозониш учун ҳамжиҳат бўлишимиз керак.
Кубок баҳси билан солиштирганда таркибдаги ўзгаришлар? Менимча, кўп ротация бўлмайди. Умид қиламизки, Эриксен ўйинда иштирок эта олади, у бунга астойдил ҳаракат қилмоқда", - дея ван Нистелройнинг сўзларини келтиради клуб матбуот хизмати.
