"Бавария" ҳужумчиси Томас Мюллер жамоасининг жорий мавсумдаги ўйини ҳақида ўз фикрлари билан ўртоқлашди.

Чемпионлар лигасида "Барселона"га қарши йирик ҳисобдаги мағлубиятдан (1:4) сўнг мюнхенликлар "Бохум" (5:0), "Майнц" (4:0) ва "Унион Берлин" (3:0) клубларини мағлуб этиб, кетма-кет учта йирик ғалабага эришди.

"Агар вазиятни батафсил таҳлил қиладиган бўлсак, "Унион" билан ўйинда омадимиз келган пайтлар ҳам бўлди.

Бироқ, бизнинг ҳозирги йўл нафақат ёрқин ўйин, балки натижани ҳам талаб қилади. Биз устунлик қиламиз, ўз дарвозамизга бир нечта зарба беришга имкон берамиз - айниқса олдинги мавсумлар билан солиштирганда.

Ҳимояга йўналтирилган жамоалар билан учрашувларда кетма-кет учта ғалабага эришдик. Албатта, бу “Барселона” ва Франкфуртнинг “Айнтрахт” клублари билан ўйинлардан фарқ қилади, лекин биз ҳақиқатда ўйинлар боришини назорат қиламиз ва рақибларимизга кўп имкон бермаймиз. "Бавария" жуда яхши ўйнамоқда", - дея Мюллернинг сўзларини келтиради Bayern & Germany.