Алессандро Неста "Милан"га қарши ўйинда "Монца"нинг киритилмаган голидан норози.
Кеча жамоалар А Сериянинг 11-турида майдонга тушиб, миланликлар 1:0 ҳисобида ғалаба қозонишди.
Учрашувнинг 7-дақиқасида "Монца"нинг голи Уоррен Бондонинг Тео Эрнандесга нисбатан қўполлик ишлатгани туфайли ҳакам томонидан бекор қилинди.
"Биринчи бўлимда 4 та гол уришимиз мумкин эди, ҳатто битта гол ҳам урдик, аммо ақлдан озган қоидалар туфайли бу бекор қилинди.
Улар футболни бузади ва мураккаблаштиради, биз аввалги ҳакамлик қоидаларига қайтишимиз керак.
Футбол - бу коммуникация ўйини, одамлар ўйинларнинг бузилишини кўришни хоҳламайдилар. Бергамода киритилмаган голдан сўнг ҳакамлар ҳам биздан узр сўрашди", - деди "Монца" бош мураббийи.
