"Милан" мухлислари "Монца" билан ўйин вақтида стадионни тарк этишди.
А Сериянинг 11-туридан ўрин олган учрашувда “россонери”лар меҳмонда 1:0 ҳисобида ғалаба қозонишди.
1-бўлим бошида ўйинга келган миланликларнинг аксарият фаол мухлислари трибунани тарк этишди. Стадионда қолишга қарор қилган мухлислар ўзларини дарвоза ортидаги секторнинг ҳар икки томонига жойлаштиришни сўрашди.
Calcio e Finanza хабарига кўра, мухлислар ўйинни тарк этган ультрасларга хайрихоҳлик белгиси сифатида шундай қарорга келишган - 50 га яқин одам стадионга киритилмаган.
Қайд этилишича, полиция назорати туфайли стадион ташқарисида ҳеч қандай ҳодиса қайд этилмаган.
