"Интер" бош мураббийи Симоне Индзаги "Венеция" устидан қозонилган ғалаба (1:0) ҳақида фикр билдирди.
“Нерадзуррилар” А сериянинг ўнинчи туридан ўрин олган уй учрашувида Лаутаро Мартинеснинг 65-дақиқада киритган аниқ зарбаси эвазига ғалаба қозонишди.
Якунда меҳмонлар Янн Зоммер дарвозасини ишғол қилишга муваффақ бўлишди, бироқ ҳакам ВАР тизимига ёрдам сўраб голни бекор қилди.
“Биз кўпроқ эътиборимизни жамлашимиз керак эди, лекин барибир жамоани табрикладим, чунки биз биринчи бўлимда ажойиб ўйнадик.
Афсуски, кўплаб голли вазиятлар ўтказиб юборилди. Танаффусга қадар имкониятлардан бирини голга айлантирганимизда, бизга анча осон бўларди.
“Венеция”дек жиддий рақибга қарши сўнгги дақиқаларгача очиқ ўйнай олмайсиз”, деди Индзаги.
