"Inter" bosh murabbiyi Simone Indzagi "Venesiya" ustidan qozonilgan g‘alaba (1:0) haqida fikr bildirdi.
“Neradzurrilar” A seriyaning o‘ninchi turidan o‘rin olgan uy uchrashuvida Lautaro Martinesning 65-daqiqada kiritgan aniq zarbasi evaziga g‘alaba qozonishdi.
Yakunda mehmonlar Yann Zommer darvozasini ishg‘ol qilishga muvaffaq bo‘lishdi, biroq hakam VAR tizimiga yordam so‘rab golni bekor qildi.
“Biz ko‘proq e’tiborimizni jamlashimiz kerak edi, lekin baribir jamoani tabrikladim, chunki biz birinchi bo‘limda ajoyib o‘ynadik.
Afsuski, ko‘plab golli vaziyatlar o‘tkazib yuborildi. Tanaffusga qadar imkoniyatlardan birini golga aylantirganimizda, bizga ancha oson bo‘lardi.
“Venesiya”dek jiddiy raqibga qarshi so‘nggi daqiqalargacha ochiq o‘ynay olmaysiz”, dedi Indzagi.
