"Манчестер Юнайтед"нинг машҳур собиқ футболчиси Рой Кин жамоанинг амалдаги сардори Бруно Фернандешни танқид қилди.
Бир ҳафта олдин клуб Эрик тен Хагни қониқарсиз натижалар туфайли истеъфога чиқарганди.
Киннинг сўзларига кўра, португалиялик ярим ҳимоячи қийин пайтларда ўзининг энг яхши ўйинини кўрсата олмади.
"Кўпчилик ўйинчилар вазиятга унчалик аҳамият бермайдилар – улар бор эътиборини янги бош мураббийга қаратишган.
Ўйлайманки, Фернандеш Тен Хагга ёрдам бериш учун сўнгги бир йил ичида етарлича иш қилгани йўқ. Бруно ишлар нотўғри кетаётганда етакчилик хислатларини кўрсатмади" деди", – Кин.
