"Манчестер Сити" бош мураббийи Пеп Гвардиола Кевин Де Брюйненинг келажаги ҳақидаги саволга жавоб берди.
33 ёшли бельгиялик футболчининг шартномаси жорий мавсум охирида якунига етади. Журналистлар испан бош мураббийидан клуб ярим ҳимоячи билан музокараларда муваффақиятга эришдими ёки йўқлигини сўрашди, аммо аниқ жавоб йўқ: "Билмайман", - дея Гвардиоланинг сўзларидан иқтибос келтиради журналист Фабрицио Романо.
Кевин Де Брюйне "Сити"да 2015 йилдан буён ўйнаб келмоқда. Жорий мавсумда у олтита ўйинда битта гол ва битта голли узатмани амалга оширди.
