"Барселона" ярим ҳимоячиси Дани Ольмо "Эспаньол" устидан қозонилган ғалабадан сўнг (3:1) интервью берди.
26 ёшли футболчи икки гол уриб, каталонияликларнинг дербида ғалаба қозонишига ёрдам берди. Испаниялик футболчи учун бу жароҳатдан кейинги асосий таркибдаги илк учрашув бўлди.
"Ғалаба қозонишда давом этиш муҳим. "Эспаньол" бор кучини беришини билардик, аммо сифатли ўйин кўрсата олдик. Ўзимни яхши ҳис қиляпман, яна гол уришни жуда хоҳлардим.
Жамоамизда кўпчилик гол уришга қодир - нафақат ҳужумчилар, балки бошқа позицияларда ўйнайдиганлар ҳам. Бугун бизда яна кўплаб голли вазиятлар бўлди. Бу мавсумда исталган мақсадларга эриша оламиз", - деди Ольмо Marca нашрига берган интервьюсида.
