Машҳур собиқ футболчи ва мураббий Фрэнк Лэмпард «Манчестер Юнайтед»нинг кучсиз тарафи нимада эканлигини айтди.
АПЛнинг ўнинчи туридан ўрин олган учрашувда манкунианликлар «Олд Траффорд»да «Челси» билан дуранг ўйнади (1:1). Голларга 70 ва 74-дақиқаларда Бруну Фернандеш ва Мойсес Кайседо муаллифлик қилишди.
Учрашувдан сўнг «Челси»нинг афсонавий собиқ ярим ҳимоячиси «қизил иблислар»нинг ўйинидаги яққол камчиликни таъкидлади: «Манчестер Юнайтед» прессинг бўйича лигадаги энг ёмон жамоа бўлса керак”, деди Лэмпард "Sky Sports" телеканалидаги ўйин таҳлилида.
