«Барселона» бош мураббийи Ханс-Дитер Флик Дани Ольмонинг «Эспаньол»га (3:1) қарши ўйини ҳақидаги таассуротлари билан ўртоқлашди.
Испаниялик футболчи бир ойдан кўпроқ вақт давомида майдонга туша олмаган жароҳатидан сўнг ўзининг илк асосий таркибдаги ўйинини ўтказди. 26 ёшли ҳужумкор ярим ҳимоячи иккита гол урди ва дербининг энг яхши футболчиси совринини олди.
“Ольмонинг ўйини? Унинг қайтганидан жуда хурсандмиз. Бизнинг бугунги ғалабамиз кўп жиҳатдан унинг ҳиссаси», - деди Флик журналистлар билан ўйиндан кейинги суҳбатда.
Эслатиб ўтамиз, Дани Ольмо ўтган ёзда Германиянинг «РБ Лейпциг» клубидан «Барселона»га ўтган эди. Трансфер нархи тахминан 55 миллион еврони ташкил қилди.
