Қозоннинг "Рубин" клуби ҳимоячиси Рустам Ашурматов жамоасининг Россия Премьер-лигасининг жорий мавсумидаги ўйини ҳақида гапирди. Айни дамда “Рубин” ҳисобида 18 очко бор ва турнир жадвалида еттинчи ўринда бормоқда.
"Агар биз "Рубин"нинг формаси ҳақида гапирадиган бўлсак, бизда инқироз борлигини айтишни истамайман. Дейлик, "Локомотив" билан ўйинда голни ҳисобга олмаганда рақибда деярли ҳеч қандай имконият бўлмади, икки бор гол ура олмадик. Гоҳида ғалаба, гоҳ мағлубият бўлади. Биз давом этамиз ва кейинги ўйинда уч очко олишга умид қиламиз.
Биз бундан ҳам яхшироқ ўйнай оламиз, аммо еттинчи ўрин ёмон эмас. Олдинда ҳам бюджет, ҳам бошқа жиҳатлар бўйича кучлироқ жамоалар бор. Биз хурсандмиз, деб айта олмайман, лекин ёмон эмас", - деди Ашурматов.
