“Пахтакор” Элит Чемпионлар Лигаси 4-турида 5 ноябрь куни Тошкентда Қатарнинг "Ал Райян" жамоасини қабул қилади.
Эртанги "Ар-Райан"га қарши баҳс олдидан матбуот анжумани бўлиб ўтди.
"Бизни эртага муҳим ва қизиқарли ўйин кутиб турибди. Ҳозиргача биз дуч келган рақиблар орасида "Райян" энг кучли жамоа деб ўйлайман. Мухлисларга ёқадиган футбол намойиш этишга ҳаракат қиламиз. Бу жамоанинг ҳужум чизиғидаги футболчилари жуда кучли.
Ушбу турнирда очиқ футбол ўйнаш осон эмас. Шу сабабли рақибни ўрганиб чиқиб, уларнинг кучли тарафларини беркитишга ҳаракат қиламиз" - деди Тожиев.
