Испания Қироллик футбол федерацияси мамлакатдаги сув тошқинлари сабабли ўтган ҳафта қолдирилган ўйинларни яна кейинга қолдирди.
Шу тариқа, "Парла Эскуела" - "Валенсия" учрашуви 26 ноябрь, сешанба куни бўлиб ўтади, у 30 октябрь куни бўлиб ўтиши керак эди. Шунингдек, 26 ноябрь куни “Манисес” ва “Хетафе” жамоалари майдонда тўқнаш келишади. "Эгеа" - "Ҳеркулес" ўйини 14 ноябрь пайшанба куни бўлиб ўтади, "Понтевендра" - "Леванте" учрашуви эса 19 ноябрга белгиланган.
Аввалроқ жабрланган ҳудудларда йўллар сув остида қолгани, уйлар ва автомобилларга зарар етгани хабар қилинган эди.
