Мадриднинг “Реал” клуби бош мураббийи Карло Анчелотти Чемпионлар лигасида “Милан”га қарши ўйинга бағишланган матбуот анжуманини Валенсиядаги жабрдийдаларни қўллаб-қувватлаш сўзлари билан бошлади.
"Валенсияликларнинг ҳафсаласи пир бўлди, бу аниқ. Бу ҳафта содир бўлган воқеалар ақл бовар қилмайди. Мен бу ҳафта очиқ гапирмоқчи эмасман ёки расмийларнинг ҳаракатларини баҳоламайман. Бизда мавжуд бўлган барча маълумотлардан келиб чиқиб, 2024 йил ҳақида ўйлаш қийин. Ёмғирнинг аниқ қачон бошланганини билиб олишингиз мумкин, аммо биз бундай фожиаларни тўғирлашга қодир эмасмиз", - дея Анчелотти сўзларини келтиради Mundo Deportivo.
29 октябрь куни Испания жанубида кучли сув тошқинлари бошланди. Дастлабки маълумотларга кўра, 214 киши ҳалок бўлган.
