Европа футбол ассоциациялари иттифоқи (УЕФА) Европа Лигаси умумий босқичининг 5-туридан ўрин олган Туркиянинг “Бешиктош” ҳамда Исроилнинг “Маккаби Тель-Авив” жамоалари ўртасидаги учрашувни нейтрал майдонга кўчиради, деб хабар бермоқда Daily Sabah.
Ўйин 28 ноябрь куни Истанбулда бўлиб ўтиши режалаштирилган, бироқ ўйин Туркиядан ташқарида бўлиб ўтади.
Қайд этилишича, “Бешиктош” Ғазо секторидаги жанглар туфайли Исроилга нисбатан салбий муносабат кучайган бир пайтда ўз майдонида “Маккаби” билан ўйнашга қаршилик қилган.
Ўйин бўлиб ўтадиган мамлакат ва стадион кейинроқ маълум қилинади.
