"Милан" ҳужумчиси Альваро Мората ижтимоий тармоқларнинг футболчиларга таъсири ҳақида фикр билдирди. Футболчи "Манчестер Сити" ярим ҳимоячиси Родрининг ижтимоий тармоқларда саҳифаси йўқлиги ҳақида гапирди.
"У, албатта, ижтимоий тармоқларга эга бўлганларга қараганда хотиржамроқ бўлади.
Ушбу платформалар фонд бозорига ўхшайди. Бир куни ҳамма нарса ажойиб бўлади, иккинчи куни жуда ёмон.
Кўп нарса натижаларга ва сизга эргашадиган одамларнинг кайфиятига боғлиқ.
Ижтимоий тармоққа эга бўлганингизда, одамлар сизга юзини кўрсатмасдан ҳар қандай нарсани ёзиши мумкинлигини тушунишингиз керак" - деди Мората.
