"Реал Мадрид" бош мураббийи Карло Анчелотти жамоанинг янги юлдузи Килиан Мбаппенинг ўйинидан қойил қолмаяпти. Бу ҳақда Give me Sport хабар берди.

Манбага кўра, "қироллик клуби" бош мураббийи франциялик ҳужумчидан кўпроқ нарсани хоҳламоқда. Шунингдек, италиялик мутахассис Килианнинг жамоанинг ҳимоявий ҳаракатларидаги кучсиз иштирокидан қониқмаяпти. Анчелоттининг фикрича, Мбаппе мадридликлар ўйинига номутаносиблик келтирмоқда.

Франциялик футболчи ўтган ёзда "Реал" сафига қўшилганди. Испания чемпионатининг жорий мавсумида Килиан ўнта ўйин ўтказиб, олтита гол урди.