Мюнхеннинг "Бавария" клуби ҳужумкор ярим ҳимоячиси Жамол Мусиала янги шартнома бўйича музокараларни тўхтатди.
Бу ҳақда ESPN хабар бермоқда.
Томонлар 2029 йилгача давом этиши керак бўлган, иш ҳақини сезиларли даражада ошириш - йилига 3 миллиондан 10 миллионгача бўлган янги келишув бўйича келишувга эриша олишмади.
Қайд этилишича, Германия терма жамоаси футболчиси қишки танаффус вақтида ўз келажаги ҳақида ўйламоқчи. Футболчи ҳеч бўлмаганда январгача қарор қабул қилмайди.
Шунга қарамай, Мусиала билан шартномани узайтириш Мюнхен клубининг устувор мақсади ҳисобланади.
Эслатиб ўтамиз, Жамол “Бавария” ёшлар жамоасига 2019 йилда “Челси”дан 200 минг евро эвазига келиб қўшилган эди. Transfermarkt томонидан 130 миллион еврога баҳоланган футболчининг шартномаси 2026 йилгача амал қилади.
Жорий мавсумда 21 ёшли германиялик футболчи мюнхенликлар сафида 12 та ўйинда майдонга тушиб, 7 та гол урди ва 4 та голли узатмани амалга оширди.
