Гути 2002 йилги "Эл Класико" пайтидаги ҳис-туйғулари ҳақида гапирди.
2002 йил 23 ноябрда бўлиб ўтган “Барселона” ва “Реал Мадрид” учрашуви 0:0 ҳисобида якунланган. Ушбу ўйинда каталонияликлар сафидан Мадрид клубига кўчиб ўтган Луиш Фигунинг бошига чўчқанинг калласи отилганди.
"Мендан бир метр нарида турган жамоадошимнинг гапини эшитмадим – бу чиндан ҳам чидаб бўлмас эди. Эътиборни футболга қаратиб, бошқа нарса ҳақида ўйламаслик қийин. Ўйин тўхтатилиши керак эди. Фигу қулоқларини беркитиб чиқди, чидаб бўлмас эди.
Эътиборни футболга қаратишнинг иложи йўқ эди. Биз бундай нарсани тасаввур қила олмадик - бу бутун 90 дақиқа давомида шундай давом этди, бу ақл бовар қилмайдиган нарса эди.
Худога шукур, ҳеч нарса содир бўлмади, чунки нафақат майдонга улоқтирилган чўчқанинг боши, балки сизнинг бошингизга учиб тушиши мумкин бўлган шиша бутилкалар ҳам бор эди.
"Барселона" ўйинчилари ҳам бу қадар узоққа кетганидан ҳайрон бўлишди - улар ҳам биз каби ҳис қилган бўлса керак. Одамлар "Барселона"ни қўллаб-қувватламаётганди, барчаси Фигуга қарши қаратилган эди", деди "Реал"нинг собиқ ярим ҳимоячиси El Chiringuito телеканалида.
