"Байер" бош мураббийи Хаби Алонсо "Ливерпуль"дан учралган мағлубият (0:4) ҳақида фикр билдирди.
"Албатта, сиз "Энфилд"га келиб, мағлуб бўлишингиз мумкин. Ҳа, бундай ҳисобда мағлуб бўлиш ёқимсиз, бу ажойиб жамоа, улар бизни хатоларимиз учун жазолашди. Биз бу ерга келиб, курашмоқчи эдик, маълум бир нуқтага қадар яхши ўйнадик, аммо 20 дақиқа концентрацияни йўқотдик ва мағлуб бўлдик. Бу натижани қабул қилиш ва "Ливерпуль"ни ғалаба билан табриклаш қолган холос.
Бундай кутиб олиш учун мухлислардан жуда миннатдорман. Ташқаридан қараганда, "Ливерпуль" ниҳоятда мувозанатли жамоага эгадек кўринади, майдондаги барча ўйинчилар жиддий меҳнат қилади", - дея Алонсони иқтибос келтиради Amazon Prime.
