Бенжамин Менди "Манчестер Сити" билан ҳуқуқий курашда ғалаба қозонди.
2023 йилнинг ноябрида собиқ “шаҳарликлар” ҳимоячиси Меҳнат судига даъво аризаси билан чиққани маълум бўлди. У 2021 йилда зўрлашда айбланганидан кейин қилинган "маошдан рухсат этилмаган чегирмалар" учун товон талаб қилмоқда. Футболчи барча моддалар бўйича айбсиз деб топилди.
Француз бу иш бўйича судда ғалаба қозонди. Менди "Манчестер Сити"дан 11 миллион фунт талаб қилган ва бу сумманинг катта қисмини олади. Футболчининг талаблари тўлиқ қондирилмади, чунки у 5 ойга яқин ҳибсда эди.
Тўловнинг аниқ миқдори томонлар ўртасида келишиб олинади ёки Менди ва “Манчестер Сити” ўртасида келишувга эришилмаса, кейинги суд мажлисларида аниқланади.
