"Ливерпуль" бош мураббийи Арне Слот "мерсисайдликлар" клубида ишлаш унга осонми, деган саволга жавоб берди. Нидерландиялик мутахассиснинг сўзларига кўра, ижобий натижаларга қарамай, у ўз ишини осон дея олмайди.

"Йўқ, йўқ, умуман осон эмас. Агар сиз фақат натижаларга қарасангиз, бу мумкин, лекин ўтган шанба куни ҳам биз жуда қийин дамларни бошдан кечирдик - биз "Брайтон"га 0:1 ҳисобида ютқаздик ва яхши натижага эришиш учун бор кучимизни ишга солишга мажбур бўлдик. Биз ҳар доимгидек чегарагача ишлашимиз керак эди. Агар биз ғалаба қозонишни истасак, буни қилишнинг бошқа йўли йўқ. Ҳар қандай ҳолатда ҳам осон бўлмайди. Аммо ғалаба қозонсак, ҳаммаси ажойиб, чунки биз айнан шу нарсани хоҳлаймиз", - деди Слот "Ливерпуль" расмий сайтига.

Бир кун аввал, 5 ноябрь куни “Ливерпул” Чемпионлар лигаси умумий босқичи 4-тур учрашувида “Байер”ни мағлуб этди (4:0). Турнир жадвалида тўрт тур натижаларига кўра, “Ливерпуль” 12 очко билан биринчи ўринни эгаллаб турибди.