Ярим ҳимоячи Аурелиен Тчуамени сешанба куни "Реал Мадрид"нинг "Милан"га қарши Чемпионлар лигаси ўйинида фақат бир бўлим ўйнади. Мадрид клуби франциялик футболчига ташхис қўйилганини эълон қилди, бироқ унинг тузалиб кетиш вақти ҳақида ҳеч нарса демади.

Айни пайтда журналист Аранча Родригес ижтимоий тармоқларда Тчуаменини тиклаш учун бир ойга яқин вақт кетишини ёзди. Шу тариқа, франциялик футболчи қиш бошида майдонга қайтиши мумкин бўлади.

Карло Анчелотти шогирдлари 9 ноябрь, шанба куни бўлиб ўтадиган "Осасуна"га қарши уй ўйинига тайёргарлик кўришяпти.