Рио Фердинанд "Олтин тўп" учун овоз бериш натижаларига изоҳ берди.
"Менимча, бу Испаниянинг Еврода ғолиб чиққани ва Винисиус Америка Кубогида яхши ўйин кўрсата олмагани билан боғлиқ.
Мен Родрининг ғалаба қозонишига қарши эмасман. Родри - феноменал футболчи, мен уни яхши кўраман, менимча, у дунёдаги энг яхши ярим ҳимоячи, футболдаги энг яхши режиссёр ва мен унинг бу номни қўлга киритишига умуман қарши эмасман.
Шахсан мен “Олтин тўп” ҳақида ўйлаганимда, мен ўйинчини маъқул кўраман. Сизни ўтирган жойингиздан сакраб, стадионда ёки уйдаги диванда қичқиришга мажбур қиладиган киши ҳақида. Учрашувда ким ғалаба келтириши, ўйиннинг боришини ким ўзгартириши ҳақида. Шахсан мен буни афзал кўраман.
Аммо Родрини бу номга лойиқ эмас дейишдан маъно йўқ, чунки у феноменал футболчи", - деди "Манчестер Юнайтед"нинг собиқ ҳимоячиси TNT Sports телеканалида.
