Пеп Гвардиола Рубен Аморим билан бўлажак учрашувлар ҳақида гапирди.
Гвардиола бошчилигидаги "Манчестер Сити" сешанба куни Чемпионлар лигаси доирасида Аморимнинг "Спортинг" жамоасига 1:4 ҳисобида мағлуб бўлди. Португалиялик мураббий тез орада "Манчестер Юнайтед"га ўтади.
"Биз улар билан икки марта Премьер-лигада ва эҳтимол Англия кубогида учрашамиз. Чемпионлар лигасида бу мумкин эмас.
Мен учрашган барча мураббийлардан, жумладан, Рубендан ҳам ўрганаман. Тушунишингиз керакки, мен "Манчестер Юнайтед" билан бўлажак тўқнашувлар ҳақида эмас, балки энг яхши формамизга қайтишимиз учун нима қилишимиз кераклиги ҳақида ўйлаяпман.
Билмайман Аморим нимага эришади. У биздан кўра муваффақиятли бўладими, билмайман. Биз кутишимиз керак.
Албатта, мен уни кўрганимдан ва унга энг яхши тилакларимни билдирганимдан хурсандман, лекин кейинги икки, уч, тўрт йил ичида Рубен билан нима бўлишини билмайман. Бу саволга фақат Рубен жавоб бера олади", - деди Гвардиола.
