Pep Gvardiola Ruben Amorim bilan bo‘lajak uchrashuvlar haqida gapirdi.
Gvardiola boshchiligidagi "Manchester Siti" seshanba kuni Chempionlar ligasi doirasida Amorimning "Sporting" jamoasiga 1:4 hisobida mag‘lub bo‘ldi. Portugaliyalik murabbiy tez orada "Manchester Yunayted"ga o‘tadi.
"Biz ular bilan ikki marta Premyer-ligada va ehtimol Angliya kubogida uchrashamiz. Chempionlar ligasida bu mumkin emas.
Men uchrashgan barcha murabbiylardan, jumladan, Rubendan ham o‘rganaman. Tushunishingiz kerakki, men "Manchester Yunayted" bilan bo‘lajak to‘qnashuvlar haqida emas, balki eng yaxshi formamizga qaytishimiz uchun nima qilishimiz kerakligi haqida o‘ylayapman.
Bilmayman Amorim nimaga erishadi. U bizdan ko‘ra muvaffaqiyatli bo‘ladimi, bilmayman. Biz kutishimiz kerak.
Albatta, men uni ko‘rganimdan va unga eng yaxshi tilaklarimni bildirganimdan xursandman, lekin keyingi ikki, uch, to‘rt yil ichida Ruben bilan nima bo‘lishini bilmayman. Bu savolga faqat Ruben javob bera oladi", - dedi Gvardiola.
