"Вест Хэм" футболчиси Муҳаммад Қудус бешта ўйинга дисквалификация қилинди.

Гана терма жамоасининг 24 ёшли ярим ҳимоячиси АПЛнинг 8-туридан ўрин олган "Тоттенхэм"га қарши ўйинда (1:4) тўғридан-тўғри қизил карточка олди.

19 октябрь куни Кудус ўйиннинг 82-дақиқасидаёқ муштлашувга сабаб бўлди. Аввалига Микки ван де Венга нисбатан қўполлик ишлатгани учун сариқ карточка кўрсатилди. Кейин у ҳимоячи ва ярим ҳимоячи Папа Матара Саррнинг юзига ура бошлади.

Тўғридан-тўғри қизил карточкадан сўнг Муҳаммад автоматик равишда учта ўйинга дисквалификация қилинди. Англия футбол ассоциацияси уни номақбул ва тажовузкор хатти-ҳаракатларда айблади, футболчи айбини тан олди. Шундан сўнг, тақиқ яна иккита ўйинга оширилди.

Шунингдек, Кудус футболчиларининг хатти-ҳаракатларини назорат қила олмагани учун 60 минг фунт стерлинг, “Вест Хэм” эса 30 минг фунт жаримага тортилди.

Жорий мавсумда АПЛнинг 8 та учрашувида 2 та гол урган футболчи фақат 3 декабрь куни – “Лестер” билан ўйинда майдонга қайтиши мумкин.