"Реал Мадрид" "Олтин тўп" соҳиби Родри ёки "Челси" ярим ҳимоячисини сотиб олиши мумкин.
Олдинроқ "Ливерпуль" мадридликлар ярим ҳимоячиси Орельен Тчуамени билан шартнома имзоламоқчи эканлиги маълум бўлганди.
Франциялик футболчининг сотилиши "Реал"га октябрь ойи охирида "Олтин тўп"ни қўлга киритган "Манчестер Сити" ярим ҳимоячиси Родрини сотиб олишга умид қилиш имконини беради, дея хабар беради журналист Саша Тавольери. 28 ёшли испаниялик футболчи тиззасидан олган жароҳати сабаб мавсумнинг қолган қисмини ўтказиб юборади.
"Реал" Родрига муқобил сифатида Аргентина терма жамоаси сафида жаҳон чемпиони, "Челси"дан Энцо Фернандесни кўриб чиқмоқда.
