"Барселона" бош мураббийи Ханс-Дитер Флик "Црвена Звезда" устидан қозонилган ғалабадан сўнг (5:2) ўз таассуротлари билан ўртоқлашди.
"Энг муҳими - қўлга киритилган уч очко. Чемпионлар лигасида меҳмонда ғалаба қозониш осон эмас. Биз яхши ўйнадик ва диққатимизни жамладик. 90 дақиқа давомида шундай концентрацияни сақлаб қолиш осон иш эмас", - деди германиялик мураббий ўйиндан кейинги интервьюда.
"Барселона" Чемпионлар лигасининг тўрт турдан сўнг 9 очко билан умумий турнир жадвалида олтинчи ўринни эгаллаб турибди.
