"Barselona" bosh murabbiyi Xans-Diter Flik "Srvena Zvezda" ustidan qozonilgan g‘alabadan so‘ng (5:2) o‘z taassurotlari bilan o‘rtoqlashdi.

"Eng muhimi - qo‘lga kiritilgan uch ochko. Chempionlar ligasida mehmonda g‘alaba qozonish oson emas. Biz yaxshi o‘ynadik va diqqatimizni jamladik. 90 daqiqa davomida shunday konsentrasiyani saqlab qolish oson ish emas", - dedi germaniyalik murabbiy o‘yindan keyingi intervyuda.

"Barselona" Chempionlar ligasining to‘rt turdan so‘ng 9 ochko bilan umumiy turnir jadvalida oltinchi o‘rinni egallab turibdi.