Мадриднинг “Атлетико” клуби ҳужумчиси Анхел Корреа “ПСЖ”га қарши Чемпионлар лигаси умумий босқичи 4-тур учрашувида эришилган ғалаба (2:1) ҳақидаги таассуротлари билан ўртоқлашди. Аргентиналик футболчи қўшиб берилган вақтда ғалаба тўпини киритди.
"ПСЖ" жуда яхши ўйнади, улар бутун ўйин давомида ҳужум қилишди, лекин биз ҳимояда кучли ўйнадик ва якунда гол уриб, ғалаба қозондик. Биз кўпроқ ўзимизга ишониб, бироз кўпроқ тўп билан ўйнашимиз керак", - дея Корреанинг сўзларини келтиради УEФА матбуот хизмати.
"Атлетико" 6 очко билан турнир жадвалида 23-ўринда бормоқда. "ПСЖ" 4 очко билан 25-ўринда бормоқда.
