Бу мавсумда Чемпионлар лигаси янги форматда ўтказилмоқда.
Гуруҳ босқичи 36 та жамоа ва саккиз турдан иборат умумий лигага алмаштирилди.
Тўртта тур ўтди, яъни бу босқичнинг турнир масофасининг ярми ортда қолди. Қайд этиш жоизки, Чемпионлар лигасининг умумий босқичидаги олтита жамоа ҳеч қачон ғалаба қозона олмаган.
Бу рўйхатга "Болонья", "РБ Лейпциг", "Штурм", "Янг Бойз", "Ред Стар" ва "Слован" киради. Агар ушбу олтита жамоани оладиган бўлсак, "Болонья"да бир очко бор.
Қолганлари эса ҳеч қандай очко ололмади.
Эслатиб ўтамиз, 26 ва 27 ноябрь кунлари Чемпионлар лигаси умумий босқичининг бешинчи тур ўйинлари бўлиб ўтади.
