"Реал" ҳужумчиси Винисиус Жуниор жорий Чемпионлар лигасининг энг яхши футболчилари рейтингида иккинчи ўринда бормоқда.

Таниқли WhoScored статистик портали бразилиялик форварднинг ўйинларини 8,07 баллга баҳолади - бу камида учта ўйин ўтказган футболчилар орасида иккинчи натижа. Рўйхатда яна бир бразилиялик, "Барселона"дан Рафинья Диас (8,35) етакчилик қилмоқда. Учинчи ўринда "Бавария" вакили Харри Кейн (8,04), тўртинчи ўринда "Астон Вилла" дарвозабони Эмилиано Мартинес (7,96), бешинчи ўринда Лиссабоннинг "Спортинг" клубидан Виктор Дьёкереш (7,93) бормоқда.

26 ва 27 ноябрь кунлари Чемпионлар лигаси умумий босқичининг бешинчи тур ўйинлари бўлиб ўтади.