"Манчестер Юнайтед" келаси ёзгача "Олд Траффорд" стадиони бўйича қарор қабул қилмайди. Бу ҳақда Telegraph нашри хабар бермоқда.
Манбага кўра, тахминан 500 минг мухлис ўртасида сўровнома ўтказилган. Натижалар шуни кўрсатдики, тахминан 52% янги стадион тарафдори, 31% "Олд Траффорд"ни реконструкция қилиш тарафдори, 17% эса қайси вариантни афзал кўришини билмайди.
Агар янги стадион қуриладиган бўлса, клуб "Олд Траффорд" атрофида қўшимча ер сотиб олишни истайди. Айни пайтда 40 гектар майдонда катта темир йўл юк терминали жойлашган.
Клуб стадион қурилиши учун харажатларни мустақил тўлайди, бироқ ҳукумат томонидан молиялаштириш имкониятларини ўрганиб чиқмоқда.
