"Manchester Yunayted" kelasi yozgacha "Old Trafford" stadioni bo‘yicha qaror qabul qilmaydi. Bu haqda Telegraph nashri xabar bermoqda.
Manbaga ko‘ra, taxminan 500 ming muxlis o‘rtasida so‘rovnoma o‘tkazilgan. Natijalar shuni ko‘rsatdiki, taxminan 52% yangi stadion tarafdori, 31% "Old Trafford"ni rekonstruksiya qilish tarafdori, 17% esa qaysi variantni afzal ko‘rishini bilmaydi.
Agar yangi stadion quriladigan bo‘lsa, klub "Old Trafford" atrofida qo‘shimcha yer sotib olishni istaydi. Ayni paytda 40 gektar maydonda katta temir yo‘l yuk terminali joylashgan.
Klub stadion qurilishi uchun xarajatlarni mustaqil to‘laydi, biroq hukumat tomonidan moliyalashtirish imkoniyatlarini o‘rganib chiqmoqda.
