Сўнгги кунларда Зинедин Зиданнинг "Реал Мадрид"га қайтиши мумкинлиги ҳақида миш-мишлар қайта авж олди. Сўнгги омадсизликлар, жумладан, "Барселона"га қарши ўтказилган "класико"да 4:0 ҳисобида мағлубият ва Чемпионлар лигасида "Милан"га 1:3 ҳисобида мағлуб бўлиш бу хабарларни янада кучайтирди. Бироқ Mundo Deportivo хабарига кўра, франциялик мураббийнинг Мадридга қайтиши энди бутунлай инкор этилган.
"Реал"ни икки марта (2016—2018 ва 2019—2021) бошқарган Зидан Карло Анчелотти истеъфога чиқиши мумкин бўлган тақдирда жамоага қайтиш ниятида эмаслигини айтди. Клуб президенти Флорентино Перес билан яхши муносабатда бўлишига қарамай, Зидан мураббийликка қайтишга шошилмаяпти ва жозибадорроқ таклифларни кутишни афзал кўради.
Зиданнинг асосий мақсади Франция терма жамоаси бош мураббийлиги бўлиб қолмоқда. У Дидье Дешамдан сўнг бу лавозимни эгаллашга умид қилмоқда.
