Дунё рейтингида кучли саккизталикда бораётган ракетка усталари ўртасидаги ушбу нуфузли мусобақага қуръа ташланди.
Теннисчилар икки гуруҳга бўлинишди. Илие Настасе номли гуруҳдан сайёрамизнинг биринчи ракеткаси италиялик Янник Синнер (1), россиялик Даниил Медведев (4), америкалик Тэйлор Фритц (5) ва австралиялик Алекс Де Минаур (7) жой олди.
Жон Ньюкомб номи берилган гуруҳда эса германиялик Александр Зверев (2), испаниялик Карлос Алькараз (3), норвегиялик Каспер Рууд (6) ҳамда россиялик Андрей Рублёв (8) ўзаро 1/2 финал чиптаси учун баҳс олиб борадиган бўлди. Гуруҳда биринчи ва иккинчи ўринни эгаллаган теннисчилар плей-оффга йўл олади.
Маълумот учун, жароҳати сабаб сербиялик Новак Жокович турнирга бир неча кун қолганда сафдан чиқди. Унинг ўрнини захира теннисчиси сифатида россиялик Андрей Рублёв эгаллади.
