Англия футбол ассоциацияси "Тоттенхэм"ни жазолаши мумкин.
Лондон клуби 29 сентябрь куни "Олд Траффорд"да "Манчестер Юнайтед"га қарши (3:0) Премьер-лига ўйинида мухлисларни лозим даражада назорат қилмаганликда айбланмоқда. E21 қоидасининг иккита бузилиши аниқланди.
Клуб ўз мухлислари ва томошабинларининг тартибли хатти-ҳаракатларини таъминлай олмади, улар номақбул ҳақоратли ва беадаб сўзлар ёки ҳаракатлардан фойдаландилар.
Ўйиннинг тахминан 49- ва 79-дақиқаларида жинсий мойилликка очиқ ёки шама қилувчи иборалар ишлатилди.
"Тоттенхэм" 13 ноябрь чоршанба кунигача ўз жавобини тақдим этиши керак," - дея таъкидланди Англия Футбол Ассоциациясининг баёнотида.
