Мадриднинг “Реал” клуби ҳужумчиси Винисиус Жуниор “Олтин тўп” учун курашда Родрига ютқазди. Овоз бериш натижаларига кўра испаниялик бразилияликдан 41 очкога олдинда эди.
Эътиборлиси, уч мамлакат журналистлари ўтган мавсумни ёрқин ўтказган Винисиусни ҳатто кучли ўнталикка ҳам киритишмади. Madrid Zone хабарига кўра, гап Финляндия, Сальвадор ва Намибия вакиллари ҳақида кетмоқда.
Шунингдек, 33 давлат сайловчилари, аксинча, Винисиусга биринчи ўринни бергани маълум.
Сўнгги мавсумда 24 ёшли футболчи “Лос-Бланкос”га Ла Лига ва Чемпионлар Лигасида ғолиб чиқишга ёрдам берган ва 39 ўйинда 24 гол ва 11 голли узатмани амалга оширган.
