«Палмейрас»нинг ўнг қанот ҳужумчиси Эстевао Виллиан Бразилия А Сериясининг 33-туридан ўрин олган «Гремио»га қарши ўйинда (1:0) гол урди.

Ушбу кўрсаткич 17 ёшли бразилиялик футболчининг лига ўйинларидаги 20-самарали ҳаракати бўлди. Ушбу мавсумда ўтказилган 27 ўйинда у 12 та гол урди ва 8 та голли узатмани амалга оширди.

Эстевао Виллиан А Сериянинг бир мавсумида 20 та голда иштирок этган 18 ёшгача бўлган биринчи футболчи бўлди.

Эслатиб ўтамиз, ёзда Бразилия терма жамоасида 2 та ўйин ўтказган футболчини «Челси» сотиб олганди. Хабар қилинишича, Лондон клуби футболчи учун 40 миллион евро + эҳтимолий бонуслар сифатида 25 миллион евро тўлаган.

Эстевао Виллиан 18 ёшга тўлганидан кейин 2025 йилнинг ёзида «аристократлар» сафига қўшилади.