«Palmeyras»ning o‘ng qanot hujumchisi Estevao Villian Braziliya A Seriyasining 33-turidan o‘rin olgan «Gremio»ga qarshi o‘yinda (1:0) gol urdi.

Ushbu ko‘rsatkich 17 yoshli braziliyalik futbolchining liga o‘yinlaridagi 20-samarali harakati bo‘ldi. Ushbu mavsumda o‘tkazilgan 27 o‘yinda u 12 ta gol urdi va 8 ta golli uzatmani amalga oshirdi.

Estevao Villian A Seriyaning bir mavsumida 20 ta golda ishtirok etgan 18 yoshgacha bo‘lgan birinchi futbolchi bo‘ldi.

Eslatib o‘tamiz, yozda Braziliya terma jamoasida 2 ta o‘yin o‘tkazgan futbolchini «Chelsi» sotib olgandi. Xabar qilinishicha, London klubi futbolchi uchun 40 million yevro + ehtimoliy bonuslar sifatida 25 million yevro to‘lagan.

Estevao Villian 18 yoshga to‘lganidan keyin 2025 yilning yozida «aristokratlar» safiga qo‘shiladi.