Суперлига 24-туридан ўрин олган навбатдаги учрашувда «Навбаҳор» ўз майдонида «Пахтакор»ни қабул қилди. Намангандаги «Марказий» стадион мезбонлигида ўтган ўйинда «лочинлар» 5:2 ҳисобида зафар қучди.

«Навбаҳор» сафида Сияваш Ҳақназарий ва Жамшид Искандеров дубль қайд этган бўлса, Гиорги Никабадзе битта гол урди. «Пахтакор»нинг иккала голига ҳам Отабек Жўрақўзиев муаллифлик қилди.

55-дақиқада «шерлар» ҳимоячиси Беҳрузбек Асқаров қизил карточка олиб, майдонни тарк этди.

Суперлига. 24-тур. «Навбаҳор» - «Пахтакор» - 5:2.
Голлар: Сияваш Ҳақназари (3, 43), Жамшид Искандеров (62), Гиорги Никабадзе (90+2), Жамшид Искандеров (90+5) - Отабек Жўрақўзиев (36,46).