Мадриднинг "Реал" клуби марказий ҳимоячиси Эдер Милитао жароҳати ҳақида гапирди.

Карло Анчелотти "Осасуна"га қарши Ла Лига ўйинининг биринчи бўлимида бразилиялик футболчини алмаштиришга мажбур бўлди. Маълум бўлишича, Милитао ўзининг хоч боғламини шикастлаб олган ва мавсум охиригача тикланишга улгурмайди.

"Ҳаммага хабарлар, қўллаб-қувватлаш ва ғамхўрлик учун раҳмат. Бу шунчаки ғалаба қозониш учун навбатдаги жанг ва мен бу йўл билан аллақачон танишман. Таслим бўлиш менинг ҳикоямнинг бир қисми эмас", — деб ёзди 26 ёшли футболчи ижтимоий тармоқларда.